Zenbait datu
Gaur egun, Bidasoako eskualdean sortzen ditugun hondakinen % 55 bakarrik birziklatzen da (industria-hondakinak barne). 2030erako, Europak % 60ko birziklatze-tasa eskatzen digu, eta Gipuzkoan, berriz, % 70eko helburua dugu:
Oraindik badugu hobetzeko tarte zabal bat, eta lan handia geratzen zaigu helburua lortzeko.
BIDASOS 2030 datuak
2023ko Urria
2023. urtearen hasieran, eskualdean etxebizitzen % 52,87k parte hartzen zuten materia organikoaren gaikako bilketan.
Kanpaina egin den auzoetan, batez besteko partaidetza % 68,18koa izan da.
Mendelu da partaidetza-ehuneko handiena duen auzoa ( % 70,38). Katea auzoan eta Amute bigarren eta laugarren dira, hurrenez hurren, % 68,1 eta % 66,34rekin.
Bilketak
Kalkuluen arabera, 2023an materia organikoaren tonaren % 5 gehiago bilduko da iaz baino. 3.400 tonatik 3.558 tonara.
Paper-bilketaren kasuan, bildutako kantitateak mantentzea espero da, % 0,2ko igoerarekin, 4 urtez jarraian edukiontzian bildutako paper-kantitatea jaitsi ondoren.
Ontzien kasuan, % 0,8ko igoera espero da, 1.686 tonaraino iritsiz.
Edukiontzietan bildutako gainerako zatikian % 5etik gorako jaitsiera zenbatetsi da, 17.900 Tn izatetik 16.838 Tn izatera pasatuz.
Etxeko bilketa
2023ko urtarrila
Etxeko bilketan % 55 horretatik dexente behera gaude, eta hobetzeko tarte handia dugu; adibidez, materia organikoa birziklatzea oso garrantzitsua da helburuak lortzeko, etxean sortzen diren hondakinen % 40 mota horretakoak direla uste baita.
Kontuan izan behar dugu, dena birziklatzen badugu, hondar-ontzian oso gutxi sortzen dela. Ikerketen arabera, etxean sortzen diren hondakinen ia % 90 kaleko edukiontzien, minipuntuaren eta garbigunearen artean utz daitezke, gaika.
Hondakinak bereiztetik datozen diru-sarrerek zuzenean eragiten dute hondakinen tasan. Zenbat eta gehiago birziklatu, orduan eta baliabide ekonomiko gehiago sortzen ditugu zerbitzua hobetzeko.
Gogoratu, organiko-txartela erregulartasunez erabiltzeagatik (hilean gutxienez 3 aldiz), hondakin-tasaren tarifa murriztua ordaintzen dela, hau da, 80 € gutxiago urtean.
